Parcours sonores de Jamal et Um Abdallah (Chatila, Beyrouth, Liban)

Parcours sonores de Jamal et Um Abdallah

Ces deux habitants de Chatila (Beyrouth, Liban), le premier palestinien et la seconde syrienne, ont effectué un parcours sonore à pied entre le camp et le marché de Sabra aller et retour le 30 octobre 2012. Ils étaient munis de deux micros de petite taille (micro binaural) qui s’insèrent dans les oreilles comme des écouteurs intra-auriculaires, reliés à un enregistreur numérique.

Ils ont ensuite commenté les sons qu’ils ont eux-mêmes enregistrés. Cette méthode vise ici à susciter une réflexivité sur la présence des étrangers à Sabra à partir d’une expérience sonore qui se traduit ici par l’audition de différentes langues et accents arabes le long du parcours. Les deux informateurs notent de façon récurrente la présence d’accents arabes et de langues étrangères. En ce sens, les parcours mettent en avant la dimension de Babel horizontale que revêt à présent le marché de Sabra.

Ce dispositif s’insère dans une enquête sur l’insertion des migrants asiatiques, bangladais en premier lieu, sur le marché de Sabra.

Ci-dessous, la transcription en arabe des commentaires de Jamal et d’Um Abdallah (et de son mari Abu Abdallah présent lors du commentaire).

– Utilisation de ce corpus — voir : The Shatila soundscape : Sound cultures, practices, and perceptions in a refugee camp in Lebanon

Vue du marché de Sabra (Beyrouth, Liban), le 11 décembre 2014.
Photo de Hoda Kassatly.

– Transcription du commentaire du parcours de/par Jamal
(travail de transcription par Manal Jaafar)

00:07
نيكولا : جمال رح يعمل تعريف عن المشروع السمعي... بعدما خرجت من البيت
00:24
هالة : فينا نعلّي الصوت
00:52
جمال : هادول ولاد سوريين صغار كانوا عم يضربوا بعض، في جيراننا هون ساكنين حدنا
01:08
هالة : وهيدا اللي مرق؟
01:15
جمال : هون محمود الحلاق الحايك جارنا، ساكن بالمخيم بيشتغلوا حلاقين كان ابوه عم يقول يروح يصلي، نفسه راح بالموتسيكل ورجع
01:30
هالة : اوكي
01:32
جمال : كفّيت هلق وصّلت عأول زاروب عنا
01:55
هون وصّلت حد محل البلياردو قهوة على كيفك
02:01
هالة : والموسيقى من وين ؟
02:02
جمال : من القهوة من المحل تبع القهوة... فتت لعند ايمن الحلاق اتزانخ عليه بس ما لقيته بالمحل
02:18
هالة : وين هو ايمن الحلاق
02:20
جمال : قدام القهوة، حد بيتنا، هون عم بحكي مع يوسف فياض وفادي صاحبي عم يحكي لي على شغله صارت معنا من كم يوم
02:35
هالة : وين كان فادي؟ فادي وين كان
02:38
جمال : فادي كان واقف حدي، انا عم اطبشله على كرشه، صار اله كرش لان بياخد دوا تبع القلب هادا عم بنصحه...
03:06
هالة : وهلق وين صرت
03:07
جمال : المفروض عم بمشي شوي شوي، تقريباً على اول المخيم
03:12
هالة : في كتير هدوء
03:13
جمال : آه هاي المنطقة هونيك في فراغ كان ما في حدا تقريباً، هادا محل التلفونات اللي لقدام شوي. هلق هون وصلت لأول المخيم اللي بودي على شارع صبرا عشان هيك في عجقة موتسيكلات وسيارات كتير، بس حسيته قاصديني كتار لانه... هو نفسه أخوه لتبع محل التلفونات، عم يقلي ما فيو فريم الموتسيكل، وقفت اسلم عليه فوقفته بوجه، قالي الموتسيكل ما فيو فرام
04:01
هالة : وانت هلق صرت بسوق صبرا، آه لا بعد ما وصّلت صرت أول...
04:06
جمال : هلق عند وين الفرن هونيك هلق، لسا هلق طلعت... لأول الشارع تبع صبرا...
04:46
هالة : شو هاي
04:47
جمال : هاي وحدة مارقة
04:48
هالة : بس مش لبنانية ولا فلسطينية؟
04:50
جمال : ما انتبهت
04:53
هالة : حسيت لغة، مش عربي...
04:58
جمال : اصلاً هلق بيطلع اصوات كتير سوري ولبناني وفلسطيني
05:03
هالة : ايه هلق وين صرت انت
05:04
جمال : بعدني وين بدي تقريباً.. المحل اللي عالزاوية مش في كواة عالزاوية ولقدامه محل سمانه، ايه هونيك، عند المفرق اللي بودي على مستوصف الحريري
05:21
هالة : ما كان في عجقة كتير
05:22
نيكولا : شو في اصوات؟ شو في اصوات؟ شو تسمع
05:26
هالة : شو في اصوات هلق، شو عم تسمع شو عم تشمع انت
05:29
جمال : هلق ما عم بسمع شي... عم بسمع موسيقى هلق
05:37
هالة : موسيقى، انه ناس عم تحكي، ناس عم
05:41
جمال : آه عادي ببيعوا وبيشتروا وحدا حاطت ميكروفون، حدا حاطت ...هياه بلش الميكرفون يطلع صوته، هادا محل الخبز اللي عند المحمصة ، انا طبعاً ماشي عالميلة التانية من الشارع مش...
05:59
هالة : الميلة التانية من الشارع يعني وين ؟
06:01
جمال : ايه
06:02
هالة : وين الميلة التانية من الشارع
06:03
جمال : ميلة اليمين وانا وطالع طلع عشان قلت انا بروح بمشى هي الميل برجع بمشي عالميل التاني، هادا عم ببيع بندورة... وهون هاي اللي عم تسأل ابراهيم كانت عم تسأل بياع، هلق يمكن يطلع صوتها عم تشتري بوكسر لإبنها، هياها قالتله هادا.
06:32
هالة : وهلق شو عم تسمع هلق
06:35
جمال : هلق صوت موتسيكل...
06:38
هالة : بس مبين كانه ما في حدن
06:40
جمال : آه هو اجمالاً الناس قلال بالشارع يعني الوقت هادا اقل شي بكونوا الناس، لانه الولاد بكونوا فلوا من المدرسة بكون خلص صاروا بالبيت البياعين اقل فش كتير ضجة بهادا الوقت
06:52
نيكولا : والعمال اللي ساكنين بالمخيم مش راجعين هلق؟
06:56
جمال : ما فهمت
06:57
نيكولا : العمال اللي ساكنين بالمخيم
07:00
جمال : لأ ما وقتهن هلق يجوا ، بعد بكير هني تقريباً تلاتة او اربعة...
07:06
هالة : هلق هيدا صوت مين في حدن عم يحكي
07:11
جمال : محل تياب هادا مش تياب لأ عفواً ببيع ادوات منزلية، سائل جلي وكيل وهيك شغلات، هادا بأول سوق صبرا، بتعرفي محل ابو رخوصة بوجه هادا هلق
07:27
هالة : والبياعين من مين
07:28
جمال : البياعيين في سوريين وفي فلسطينية وفي لببنانية واحياناً بكون في بنغلادش بس مش اليوم اكتر بنغلادش بيجوا بأيام محددة نهار الاحد والهن محلات والهن بضاعة معينة ببيعوها هني... هون انا تقريباً بآخر السوق... الفلسطيني ديب المقطوعة ايديه صرت واصل لعنده ما هو ببيع بندورة وخيار اكتر شي...
08:07
هالة : ايه وشو عم تسمع ، هلق في صوت ولاد في...
08:12
جمال : ولاد يعني مرى ومعها ابنها كانت عم تشتري خضرا، هلق انا صرت عالزاوية بدي افوت عالتعاونية، مش تعاونية الرسمية التعاونية اللي بصبرا للي بآخر الطريق...
08:29
هالة : ايه وهلق فيك تقلي شو عم بقولوا الناس شوعم يحكوا
08:31
جمال : هلق فتت فتت عالتعاونية هلق، هذا صوت اللي بيشتغل عالكونتوار على ال... ايه
08:39
هالة : شو عم يحكي؟
08:42
جمال : عم بيقول انه مشغول ما ما فاضي لانه قاعد عالكونتوار ولانه في صار عجقة شوي عند ال...محل ما بدهن يعطوا مصاري
08:51
هالة : وكان في ناس كتير بال...
08:53
جمال : لا ما كانش بكل التعاونية اللي جوا ما كانش بيطلعوش شي عشرة
08:57
هالة : وهيدا الصوت شو
08:58
جمال : هادا واحد عم بكبس اسعار على البضاعة بس فش حدا غير جوا، انا فتت ما كانش في حدا غيره يعني اكتر...عم يشتروا برا شوي، هلق انا طالع اخدت اللي بدي اياه وطالع عشان احاسبه، هلق بصير مشكل بيعجبك...
09:31
هالة : وهيدا الصوت هلق هيدا اللي عم نسمعه الخشخشة...
09:35
جمال : ممكن حدا عم بزيح بضاعة هيك كياس وعلب
09:40
هالة : انت وين كنت واقف ؟
09:41
جمال : هلق انا على الكونتوار بتصور، ناطر بس _ اجا دوري بس انا تعمدت إنه اتأخر شوي، خليت تنين تلاتة يمرقوا قدامي اللي كانوا اصلاً بالتعاونية...
10:06
هالة : بعدك ناطر بالتعاوينة هلق
10:08
جمال : آه ما هو تاع التعاونية عم براقب شاب طلع لبريت المحل ومعه غاز، هلق بصير المشكل عشان هيك...بكون عن يحكي مع التاني بقله ليه ما كيستهن حطيتهن بكياس هو اللي اشتراهن ، هلق عم بكبس هو... ايه هلق طلعله لبرا يحكي معه... ايه شفت عم بحكي عنهن كيسين الحفاضات وين طلعوا... ابو السّعيد التاني اللي بيشتغل عل case التاني... كان ناوي يضربه
11:21
هالة : بس هلق بعد ما بلش المشكل
11:22
جمال : لا بعده هلق بده يطلعله ، طلعت وراه انا بما انه مش عارفه يعني... الشاب سوري
11:35
هالة : مين الشاب؟
11:41
جمال : هيدا عباب التعاونية برا، هلق واضح انه مؤدب الشاب، هوعم بيقله انه بده بعد كياس ، هو قله انطر.
12:10
هالة : الشاب اللي عم يشتري سوري
12:12
جمال : آه وصاحب المحل فلسطيني
12:14
هالة : فلسطيني بس لهجته لبنانية يعني
12:18
جمال : يعني ما... كتير فلسطينية بحبوا يحكوا لبناني او تعودوا احياناً بيستحوا، هذا عم بحكي لأبوه لصاحب المحل أبوه لهذا الشاب، عم بشرحله سأله شو في فقله طبعاً ابوه قاله ما مش هلقد بدها يعني
12:43
هالة :و ضل الشاب السوري؟
12:45
جمال : لا حط الكياس وفل، زعل بس واضح محترم ومطلع مصاري بده يدفع يعني ما مش زي ما فكر تبع المحل، بس في غلط بطلعهن لبرا
12:56
هالة : وهلق شو عم يعملوا هاي ال...
12:58
جمال : هلق عم بحاسبني الي
13:00
هالة : بس ما حكيته، ما حكيته...
13:05
جمال : لا عادةً ما بحكي انا
13:06
هالة : بتحط الغراض
13:08
جمال : ايه بتطلع على ال... قديه بطلع علاي ويكون عم حضر المصاري، انا اصلاً بكون حاسبهن من قبل
13:15
هالة : هلق طلعت من التعاونية
13:17
جمال : ايه
13:17
هالة : وهلق شو شو عم تسمع ؟
13:18
جمال : هلق ضجة سيارات وعجقة برا بصبرا
13:22
هالة : موتوسيكلات
13:23
جمال : موتوسيكلات ، و... حتى انا رحت هيك حاولت ابعد عن العجقة سمعت صوت بياعين بدي اروح لعندهن بس لأنه صار في ضجة كتير رجعت غيرت رأي و... هادول صوت ناس عادي مارقين، هادول ولدين صغار جايين من المدرسة بس مش مدرسة الانروا لأن الاواعي تعالوهم غير
13:50
هالة : مدرسة لبنانية؟
13:51
جمال : مدرسة خاصة ممكن تكون، يمكن التقدمي الثقافي... بظن
14:00
هالة : ليه ؟
14:07
جمال : هلق انا بالراجعة راجع عالميلة التانية من الشارع
14:10
هالة : هلق عم ترجع انت؟
14:12
جمال : ايه
14:12
هالة : آه من اول ما طلعت من التعاونية رجعت؟
14:14
جمال : دغري رجعت ايه، هلق رحت شوي لأشوف البياعين الاجانب ما مشي الحال، صار في ضجة رجعت، وفي عجقة كتير لقدام شوي
14:22
هالة : وعم نسمع في شي قهوة بياع القهوة؟ ( ايه) البياع القهوة
14:26
جمال : لا ما... هلق انا تقريباً حد حاجز السير تبع الفراريج... هلق وصّلت لعند تبع الزيت، تبع الزيت
14:50
هالة : تبع الزيت وين؟
14:51
جمال : قدام الحجة، في الفوال بعد الفوال في واحد ببيع زيت وحاطين برا قهوة
15:00
هالة : يعني هون بالشارع
15:01
جمال : ايه بالشارع ، لأ مش هادا هون الشارع اللي بعدنا بصبرا هلق... هلق رجعنا وصّلنا لنفس المحل اللي وطالعين اللي ببيع السائل وهيك ما هو حاطت ميكروفون اللي ببيع آه ...ادوات تنظيف
15:23
هالة : بس صوته ابعد هالمرة، صوته ابعد ما طالع كتير
15:29
جمال : ما فهمت
15:29
هالة : صوته ما طالع كتير هيدا اللي ببيع السائل
15:32
جمال : كنت بملك تانية وهو ميكروفون حاطت مش هو عم يحكي...
15:39
هالة : وهلق وين صرت لأنه خفت الضجة
15:42
جمال : ايه لأ قطّعت، تقريباً صرت حد المحمصة هلق بيطلع صوت الخبز تبع الخبز، قرّبت اوصل لربطة الخبز ال1250 هادا قبل في محل ببيع فلافل قبل المحمصة بشوي
15:59
هالة : بس شو عم يحكوا هلق؟
16:02
جمال : آه انا هلق وقفن شاب من فرق الفوتبول اسمه علي عم بيتحدث معي، عشان روح اشوف التدريب تبعهن
16:14
نيكولا : شاب فلسطيني
16:15
جمال : هادا من اللي انا مسؤول عنهن
16:17
هالة : شاب فلسطيني؟
16:17
جمال : آه اسمه علي بيلعب فوتبول منيح شاطر يعني احسى واحد بالفريق وصحبة انا واياه، لانه كل ما يفوت غوال بعطيه مصاري بكافأه يعني مش انه
16:39
هالة : وهلق عم نسمع ؟
16:40
جمال : صوت موتسيكل
16:42
هالة : وين صرت
16:44
جمال : هلق وصلت لعند المحمصة تقريباً
16:46
هالة : صبرا يعني؟
16:47
جمال : ايه بصبرا بعدني عند المحمصة اللي... هلق بيطلع صوت تبع اللي ببيع خبز حاطت ميكروفون كمان، الصوت منيح هيك انا ؟ لاني حاسس مش سامع منيح...
17:02
هالة : مين عم نسمع هلق
17:04
جمال : وحدة عم تحكي مع تبع اللي ببيع فحم اللي حد المحمصة
17:10
هالة : بس عم تحكي فلسطيني هي فلسطينية؟
17:11
جمال : لأ، لبنانية ، وهو لبناني
17:14
هالة : وهي؟
17:15
جمال : لبنانية... هلق وصلت لعند المحمصة... انا تقريباً قربت اوصل لمدخل المخيم
17:48
هالة : بس تغير كتير الجو يعني (ايه) تغير كتير ما في ضجة متل قبل
17:53
جمال : نفس المشهد يعني نفس المنطقة اللي كان فيها ضجة
17:57
نيكولا : المناخ الصوتي؟ بغير كتير
18:05
جمال : هادا موتسيكل شحط فرام لان صرت بنص الطريق عم بفوت عالمخيم
18:10
هالة : هيد صوت مين ( ايه) هو مين اللي عم يحكوا
18:13
جمال : هادا محل ببيع على اول المخيم
18:17
هالة : من وين هو؟ ( ايه) من وين هو ؟
18:22
جمال : يمكن فلسطيني، هلق فتت على المخيم...
18:33
هالة : فتت عالمخيم
18:35
جمال : آه عالمفرق يعني عم بفوت... هلق هادول مجموعة سرلنكيات عم يحكوا قدام محل اللي فيه تلفونات عم يتصلوا
18:53
نيكولا : دايماً موجودين
18:53
جمال : اربعة خمسة ، ايه هلق عم يحكوا منه ، بدهن يحكوا مع قرايبينهن برا في سنترال بيحكوا منه اكتر شي
19:00
نيكولا : ساكينين بالمخيم
19:01
جمال : ممكن هيدول اللي بيحكوا بهادا الوقت ساكنين بالمخيم ايه... هلق قطّّعت صرت عند عيادة الاونروا عند الفرن ، مفترض ما بصير احداث مميزة يعني و
19:20
هالة : ايه بس في ناس عم تحكي
19:23
جمال : دايماً في ناس بالشارع بس مش كتير يعني، مش عجقة يعني هاي الفترة في هدوء كتير قاعد، بهادا الوقت بالغالب بكون هدوء، يعني غير فترة الصبح وفترة بعد الضهر
19:36
هالة : شو عم نسمع هلق، كمان كنا عم نسمع
19:44
جمال : ما ، صوت موتسيكل هلق، هلق حدا عم يحكي مع حدا حد القهوة بيحكوا
19:54
هالة :شباب؟
19:54
جمال : آه شباب كانوا عم يلعبوا فوتبول بالشارع
19:56
هالة : من وين الشباب؟
19:57
جمال : من المخيم
19:58
هالة :من المخيم فلسطينية ؟
20:01
جمال : انا لما بقول من المخيم بكون قصدي فلسطينية ، حتى لو حدا ساكن بالمخيم غير، ما بقول من المخيم، مفترض ما يكون محله هون يعني
20:12
هالة : وهاي شو؟
20:15
جمال : حدا عن يسمع ما بعرف
20:16
هالة : حدا عم يسمع موسيقى
20:18
جمال : ايه يمكن حد فادي، ايه ... فادي كان عم بركب قسطل بلاستيك... للبيت الجديد اللي عمله، قطعت عنه هلق في حدا عم يتحدث هو وحدا...
20:36
هالة : في حدا شو ؟
20:37
جمال : حدا عم يتحدث مع حدا
20:38
هالة : وشو عم تحكوا فلسطيني؟ هاي شو هلق؟
20:44
جمال : هاي قاله بدي تلزيق يمكن فادي هو وعم بلزق القسطل قلتلك(آه)... هلق صرت تقريباً على مفرق المخيم مفرق الزاروب تاعيتنا
21:02
هالة : كتير رواق
21:04
جمال : آه هونيك ما في شي حدا هلق
21:06
هالة : سمعنا باب
21:09
جمال : ما في غير الحايك هادا حده حركة
21:11
هالة :هيدا صوت مين شو
21:13
جمال : هلق هون عند الباب تقريباً كانوا جيراننا نوّر عم بنادوا لجيراننا السوريين
21:21
نيكولا : لشو
21:23
جمال : ما بعرف لشو، عم تناديلها ابصر شو بدها منها
21:26
هالة : وهلق فتح الباب
21:27
جمال : هلق فتحت الباب وفتت عالبيت مفروض هلق تسمعوا دجج، طلعت وشفتكن ما لقيتك هون....
21:41
هالة : خلص؟
21:41
نيكولا : خلص

Femmes bangladaises à Sabra (Beyrouth, Liban), le 7 décembre 2014
Photo de Hoda Kassatly

– Transcription du commentaire du parcours d’Um Abdallah par Um Abdallah (et son mari Abu Abdallah)
(travail de transcription par Manal Jaafar)

00:03
هالة : هلق شوفي شو رح يعمل، رح يحطلك، انت رح تحطي هيدا ورح ترجعي تسمعي كل شي يعني كل شي سجلتيه، كل شي مسجل عالطريق انت ورايحة
00:16
نيكولا : بس تسمعي...
00:19
هلق ما سمعانة
00:20
هالة : هلق مش سامعة
00:25
اشتغل ما اشتغل
00:26
هالة : انا سامعة
00:32
نيكولا : مش سامعة ؟
00:37
هالة : بدكن تطفوا المروحة لان عم تعمل ضجة كتير
00:45
نيكولا : انت نازل السلم، نسمع خطوات...
01:19
انت شو سامعة ؟
01:19
هالة : انا سامعة ما شي، ما سامعة ؟
01:32
بس تعلّي شوي الصوت
01:35
نيكولا : يمكن اذا ممكن تشوبي مع هادول تحت الحجاب احسن لك ولا تعملي كدا يبقى احسن
01:51
هالة : بنرجع
01:54
نيكولا : يالله نبلس من هون
02:01
هالة : هلق عم نسجل بهيدا كمان، رح نصير انه انت وعم تسمعي شو اللي سجلناه، شو الّي سجلتيه انت، بدك تخبرينا انه وين كنت؟ مع مين حكيتي؟ مثلاً هلق سمعتك عم تحكي مع حدن عم تقولي : الله يسلمك يا رب. مثلاً بتقليلنا آه هيدا جارتي او جاري ومن وين؟ وين كنت لما حكيتي معه؟ شو عم تسمعي شو الاصوات اللي عم تسمعيها؟ وانا رح اسألك كمان، عم بسمع معك، يعني تخبريني انه طلعت هلق من ال..يعني هلق لما يبلش تخبرينا انه انا طلعت من البيت وين كنتي؟ شو سمعتي، شو هيدا الصوت اللي طلع... عم تسمعي هلق
02:42
لا ماشي
03:10
نيكولا : بعدكن بالبيت ؟
03:11
هالة : ايه ايه
03:12
OK Nicolas : Quand elle descend tu dis top
03:26
Hala : Top
03:45
هالة : احكي عصوت عالي
03:46
ايه بعدنا بالمخيم
03:46
هالة : بعدكن بالمخيم ؟
03:48
ايه ... بعدنا عم نمشي
03:56
نيكولا : فيكي تحكي عادي
03:57
ايه
04:02
هالة : عم تحكي؟
04:07
عم تسألني بنتي وين رايحين قلتلها عصبرا...بعدنا عم نمشي... انا ومنّى بس ما حكيت مع حدا...
04:37
نيكولا : شوفي اصوات حوليكم شو بتسمعي؟
04:42
ما شي
04:43
نيكولا : اطفال بيتكلموا...
04:49
هالة : شو عم تسمعي هلق؟
04:50
حكي رجال
04:52
هالة : وين انت ؟
04:53
بالمخيم بعدني
04:56
هالة : وين بالظبط تقريباً؟
04:56
نص المخيم هيك بقفا المخيم
05:00
هالة : مع مين حكيتي هلق؟
05:06
جارتنا هون، فاتحة دكانة
05:14
هالة : اياها
05:16
بالمخيم
05:16
هالة : فلسطينية هي؟
05:18
ايه لكن
05:21
هالة : عم نسمع شو هلق في اصوات؟
05:25
ايه ببغاء وعصافير عالطريق
05:35
هالة : انت فيكي تخبريني كل الوقت شو عم تسمعي هلق
05:39
مستيكلات...
05:41
هالة : وهيدا
05:42
انا ماشية عالطريق موتسيكلات وعم يحكوا، ايه بس انا ما وقّفت عم بمشي هذا كله عم بمشي ما حكيت مع حدا
05:50
هالة : وين صرتوا؟
05:52
بالمخيم
05:53
هالة : بعدكن بالمخيم؟
05:56
بعدنا بالمخيم
05:59
نيكولا : كيف بتعرفي بعدكن بالمخيم كيف؟
06:03
بعدنا بالمخيم
06:05
هالة : مين هيدا الل( ما بعرف) في واحد سب هلق
06:10
ايه ما بعرف، يعني انا لحديت ما طلعت على صبرا ما حكيت مع حدا
06:18
هالة : بس اذا بتقولي لنا انه شو عم تسمعي كل الوقت تخبرينا
06:22
موستيكلات وناس بتحكي مع بعضيها
06:25
نيكولا : فلسطينين ولا
06:27
فلسطينين اكتريتهن لانه هني...
06:32
هالة : هلق مثلاً
06:33
ما حكيت
06:34
هالة : لأ في حدن حكي
06:34
هاي انا مارقة فيوحدة عم تحكي
06:37
هالة : من وين هي؟
06:38
فلسطينية
06:39
هالة : فلسطينية بعدك بالمخيم بعدني
06:41
بعدني
06:43
نيكولا :إذا سوريين بيتكلموا تعرفي مين السوريين
06:52
ايه ما شفت سوريين شفت شخص واحد على الطريق حكيته
06:58
هالة : هاي بنتك سالي
07:00
امــ بنتي سالي
07:03
هالة : هلق انت قولي لنا شو عم تسمعي هلق؟
07:08
هلق انا ما كنت عم بسمع هون الصوت اقوى وقت
07:12
هالة : ايه هلق انت شو سامعة هلق؟
07:17
عالم عم تمشي، عالم عم تمشي بس، ناس عم يمشوا، ولاد...
07:34
هالة : شو كمان هلق؟
07:35
ماشي، ماشي
07:36
هالة : وين صرتي
07:37
بظن بعدنا بالمخيم
07:41
هالة : وهلق؟
07:48
ايه هاي بالمخيم آخر المخيم
07:51
هالة : مين عم يحكي
07:53
ما بعرفها فلسطينية...
07:59
هالة : وهلق شو عم تسمعي
08:03
اغاني هاي كانت الغناي بالمخيم كمان
08:05
هالة : بعدكن بالمخيم؟
08:07
ايه
08:08
هالة : وين وصّلتوا تقريباً؟
08:11
آخره...
08:13
هالة : آخره يعني وين ؟
08:13
وين بدي قلّك الشارع اللي بروحوا له عالمدرسة
08:18
هالة : حد مدرسة قريحة؟
08:20
امـــ هيدا الش...
08:21
هالة : يعني طلعتي من المخيم شوي
08:23
لأ انا لفيت اللفّة هيك وطلعت عرفتي ما قصيتها...
08:30
هالة : آه من هون
08:31
آه من قلب المخيم طلعت...
08:42
هالة : وهلق في اصوات في ناس، شو...
08:50
هلق هون حد الجامع بظن صرنا
08:522
هالة : ايا جامع ؟
08:54
جامع شاتيلا
08:56
هالة : يعني بالمخيم؟ بقلب المخيم ؟
08:59
ايه ايه، هون حد الجامع
09:02
هالة : وشو شو عم تسمعي؟
09:04
مومستيكلات وصوت اولاد ( ايه) ورجال
09:11
هالة : وكله حكي فلسطيني اكتر؟
09:17
ايه... سوريين قليل
09:23
نيكولا : قلب المخيم، سوريين قليل بقلب المخيم
09:28
لا مليان سوريين بس اجمالاً ما بيختلطوا بالعالم كتير بظلوا بالبيوت اكتريتهن
09:36
نيكولا : بالبيوت ولا بالشغل؟
09:36
بالشغل بالبيوت ايه، موستيكلات، هون عند باب المخيم... عجقة كتير
09:50
هالة : عجقة كتير هلق طلعتي من المخيم يعني؟
09:54
هلق بلشنا نطلع
09:55
هالة : يعني وصلتي على الشارع اللي بوصل على شارع صبرا على صبرا
09:58
ايه صبرا... اجمالاً كان هدوء اليوم
10:05
هالة : كان اجمالاً هدوء
10:06
ما في هالعجقة
10:08
هالة : وهلق شو عم تسمعي؟
10:10
ولاد
10:11
هالة : ايه وشو كمان؟
10:14
رجال
10:19
هالة : وشو اللهجة اللي اكتر شي؟
10:19
اكتريتهن فلسطينية
10:21
هالة : اللي عم تسمعيهن هلق اللي عم تمسعيهن فلسطينية
10:23
ايه ايه فلسطينية
10:42
هالة : في صوت بنت صغيرة
10:43
ولاد ايه كانوا بالشارع
10:48
هالة : وين صرتوا هلق؟ تقريباً بتتذكري فيكي تعرفي
10:52
ايه هلق شارع صبرا...
11:05
هالة : بعد هلق ما وقفتي، بعدك عم تمشي ( امـــ) مين عم، شو عم ينحكى هلق؟
11:13
ولاد...
11:17
هالة : فلسطينية؟
11:18
اللهجة ما مبينة
11:21
هالة : ما مبين... وهلق؟ في رجل حاكي شو
11:42
هون بصبرا بقلب صبرا
11:45
هالة : بقلب صبرا هول فلسطينية ؟
11:47
ما بعرف لان ما عم يحكوا كتير، لتميزي اللهجة عرفتي ما خص كلمة بس عم...
11:57
هالة : وين صرتي تقريباً بصبرا؟
12:01
بصبرا... هون عم بشتري كنت
12:07
هالة : انت عم تشتري؟ (امـــ) من مين؟
12:15
محل بشتري معالق كنت،ايه كانوا عم يحكوا عالسنامي
12:22
هالة : عال...؟
12:23
سونامي انه في سونامي
12:25
هالة : وهني هول البياعين
12:27
وكانت عم تبيع السرلنكية صاحب المحل ما بعرف اذا فلسطيني ولا لبناني
12:32
هالة : بس اللي عم تبيع هي سريلنكية ؟
12:35
سريلنكية ايه، عم بحكي معها
12:39
هالة : عم تحكي معها؟ بأي لغة عم تحكي معها
12:41
عادي
12:42
هالة : عربي؟
12:43
عربي، سألتها عالسكاكر، سألتها عن المعالق
12:53
هالة : صوتها هاي
12:54
عم يحكوا عالسونامي... عم تقول عنا بسريلنكا في سونامي، قامت قالتلها المرا انه هون بلبنان غير ما في سونامي
13:07
هالة : هي هاي المرا من وين ؟ اللي كانت عم تحكي
13:09
لبنانية
13:09
هالة : عم تحكي، انت وصلتي كانوا عم يحكوا مع بعض؟
13:12
عم يحكوا عالسونامي، قالتلها اذا صار سونامي شو يعني؟ قالتلها بنموت عادي... ايه كانت رفيقتها قاعدة عم يحكوا بالسريلنكي
13:31
هالة : رفيقتها لألها كمان
13:33
ايه بيحكوا سريلنكي
13:34
هالة : وين هو هيدا المحل بالظبط؟ قبل اللحامين؟
13:37
ايه
13:38
هالة : قبل اللحامين
13:40
ايه محل بلاستيك...
13:46
هالة : بعدك قاعدة بنفس المحل؟
13:48
بعدني... بنتي عم تسأل عقشارة بطاطا بدها تستري قشارة
14:08
هالة : عم تسأل للسريلنكية ( امـــ) شو شو انتي اللي قلتي هلق بنرجع؟
14:26
لبنتي بقلها هلق بنرجع تعي...
14:34
هالة : هاي السريلنكية انت كنت شايفتيها من قبل؟
14:37
ايه بشتري من عندها عطول؟
14:39
نيكولا : بتعرفها يعني
14:40
هي موظفة بالمحل
14:43
نيكولا : يعني كل مرة تشوفها
14:45
ايه
14:46
نيكولا : بتروح كتير عالمحل بصبرا هيدا جوا صبرا( انا؟) ايه يومياً يعني ولا ايه ؟
14:51
لا مش يومياً صدفة، صدفة...
15:01
هالة : وهلق وين صرتي؟
15:02
طالعة عصبرا
15:03
هالة : طالعة عصبرا يعني بعدك يعدك بعيدة عن اللحامين ساحة اللحامين؟
15:09
ايه شوي بوصل
15:14
هالة : وشو عم تسمعي حواليكي؟
15:15
حكي.
15:20
هالة : آه بس اذا فيكي تقولي لي مثلاً الناس من وين جايين هني من وين؟
15:26
معظمهن فلسطينية ولبنانية، ايه في سوريين قليل
15:33
هالة : بس سمعتي هلق سوري في سوري، هلق عم تسمعي يعني حكي سوري
15:40
لأ ما بعرف، انا ماشية حد المحلات
15:49
هالة : شو عم تسمعي
15:53
ناس عم تشتري... بيسألوا عالاسعار و...
16:01
هالة : وهيدا الصوت؟
16:05
صبرا بعدنا، فتت عسوق الخضرا
16:10
هالة : صرتي بسوق الخضرا( امـــ) لما تقولي سوق الخضرا يعني شوق اللحامين
16:15
اللحامين، لحامين وخضرا
16:25
هالة : شو عم نسمع؟ هون في مرا عم تحكي؟... في ناس عم يحكوا حدك، عم يمشوا حدك او؟
16:42
انا ماشية حدهن
16:44
هالة : انت ماشية حدهن هني واقفين يعني
16:45
واقفين
16:58
هالة : شو
17:03
عم بسأل شو السعر
17:04
هالة : لمين ؟
16:59
ما عاد متذكرة
17:16
هالة : بعدك عم تمشي او واقفة هلق
17:18
لا عم بمشي
17:20
هالة : سألتي انه شو صار انت وماشية
17:22
امــ
17:24
نيكولا : حكيلي شو صار
17:26
هالة : طلبت شو سعر ال...
17:29
نيكولا : آه
17:35
هالة : انت قليلي دايماً لما تسمعي شي خبريني شو بتسمعي، ما عم تسمعي شي هلق؟
17:44
القطعة بألف
17:47
هالة : ايه ايه خبري خبري انت حكي
17:51
اي قطعة بألف عم بقول( وهلق) رنو بتقللي شتري بطاطا كيك
18:01
هالة : وين صرتوا
18:03
هون بعدنا ما وصلنا لعند جوزي
18:06
هالة : ما وصلتوا. بس حتى انت خبريني اذا بتسمعي موتوسيكل ناس عم يحكوا كل شي
18:13
موستيكل، عم يحكوا العالم، وعالم عم تنادي عالخضرا...
18:24
هالة : واللهجات اللي عم تسمعيها
18:26
...فلسطينية وسورية
18:29
هالة : سوريين كمان
18:37
ايه، هاي غناي هون، عم يسمع غناي...
18:46
هالة : طالعة من محل او من سيارة؟
18:48
لا من محل كانت الغناي... جوزي
19:02
هالة : وصلتي
19:03
ايه عم يسألني على ابنه... سأل عنك، اخدت منه خمس الالاف
19:30
هالة : وشو في في موسيقى كمان
19:32
ايه بالمحل التاني كان في موسيقى
19:35
هالة : بالمحل التاني؟ ( امـــ) محل شو؟
19:40
يمكن خضرا... عم بقلي رجعي لعندي
19:57
هالة : طلعتي هلق من عند جوزك
19:59
طلعت من عنده ايه
20:00
هالة : ولوين رحتي؟
20:01
هلق فتت على سوق الخضرا... هلق طلعت من عند اللحام
20:05
هالة : يعني سوق الخضرا قصدك صوب الدنا او لأ قبل
20:07
لا اول شي اللي حد الجامع فيهن سوق خضرا، فتت بقلبه
20:12
هالة : آه اللي تحت ال...
20:15
ايه السقيفة...
20:24
هالة : هلق شو عم تسمعي؟
20:25
موستيكلات
20:27
هالة : بس في ضجة هلق
20:29
عالشارع...
20:35
هالة : كان عجقة اليوم
20:37
موستيكلات كلها الشوارع فاضية...
20:47
هالة : كان في كتير ناس عم تتسوق؟
20:47
لأ، يعني ما كان في كتير بس اكتريتها صحاب المحلات واقفة محلاتها، كان هدوء
21:01
نيكولا : بتفضلي هيك؟ احسن اذا في هدوء احسن ولا بتفضلي لما في كتير تحركات وناس و...
21:11
الهدوء احسن طبعاً
21:15
هالة : شو عم بيقولوا هلق؟
21:18
هلق انا سألت عالبامية
21:22
هالة : عند مين انت هلق؟
21:24
واحد ببيع بامية، سألته قديه الكيلو قالي بخمسة
21:28
هالة : بأيا سوق؟
21:29
بسوق الخضرا
21:31
هالة : محل ما في هيدا المقطوع ايده او لأ
21:35
ايه لجوا
21:36
هالة : لجوا
21:39
هذا المقطوعة ايده برا عالشارع
21:41
هالة : ليه بتشتري من جوا انت ؟
21:42
لان بحب ... سوم كل الاسعار يعني وبعدها بشتري
21:46
هالة : آه وفي ارخص جوا رخص من برا؟
21:51
ايه هون اشتريت فليفلة
21:57
هالة : من مين كنتي عم تشري؟
21:59
واحد سوري
22:02
هالة : سوري من وين
22:03
ما سألت
22:04
هالة : ما بتحكي معهن؟
22:04
بحكي بس اليوك كانت كل ... يعني هدوء عادةً بس يون في شي بال... شي انه صاير شي
22:15
هالة : بسوريا
22:15
صاير شي بسوريا هيك شي جديد دائماً الكل بيحكي فيه بس ما كان في شي جديد منشان هيك ما كان في حكي...
22:33
يعني كل مرة تشتري عنده السوري هادا
22:34
لأ، صدفة اليوم ما بعرفه انا
22:39
نيكولا : يعني كل مرة واحد مختلف
22:41
ايه
22:43
هالة : حسب السعر
22:44
حسب السعر ايه
22:49
هالة : شو هيدا هلق اللي سمعناه
22:50
واحد كان عم بيعبي بصل يفضي بصل عالعربة( بعدك بنفس ال...) كان عم بزين الهاي
23:07
هالة : هيدا اللي عم يحكي من وين رأيك؟
23:10
اللي عم يحكوا كانوا منهم سوريين ومنهم فلسطينين
23:20
هالة : وين صرتي هلق؟
23:21
بعدني بسوق الخضرا
23:23
هالة : آه بس عم تتجولي عم تمشي...( عم بمشي ايه) شتريتي ومشيتي، طلعتي عالشارع او بعدك جوا
23:30
لا الشارع
23:36
نيكولا : صارلك كتير هون؟
23:37
انا ١٧ سنة
23:40
نيكولا : شاتيلا
23:41
ايه شاتيلا، صارلي ١٦ سنة بشاتيلا، بس احتكاكاتي ابلعالم قليلة ما ... ايه
23:55
هالة : وين صرتي هلق؟
23:57
هلق طاعت برية صبرا هيكل فوق
24:00
هالة : صوب الرحال
24:02
لأ الدنا، هلق صبرا هيك بتضلك مكفية
24:06
هالة : آه هلق انت بتروحي صوب الدنا هلق؟
24:07
ايه انه مش لفوق فوق بعدها هاي اسمها صبرا
24:13
هالة : آه آه
24:13
بعدها اسمها صبرا
24:14
هالة : وليه لانه بالاول كنتي عم ترجعي صوب المخيم، بعد ما تركتي جوزك؟
24:17
لأ كفيتلك سوق الخضرا
24:22
ايه مش طلعت من عند جوزك رحتي رجعتي صوب الجامع
24:26
طلعت عالجامع ايه يعني جوزي قبل الجامع
24:27
هالة : يعني صوب المخيم
24:30
جامع الدنا، مش جامع شاتيلا، هلق جامع الدنا وين بشاتيلا، بصبرا
24:40
هالة : وهلق شو عم نسمع؟
24:42
اوكازيون خسمية
24:49
هالة : وين صرتي كتير هدوء هلق فجأة
24:51
ايه هيك حد ال... بعد، مش بعد صبار يعني ضمن صبرا بس لفوق شوي
24:57
صوب الدنا
24:58
هالة : في تعاونية اسمها ... ايه اشتريت الصحون هلق بيطلع صوتهن
25:05
نيكولا : تعاونية
25:06
امـــ، ما فتت عليها عالباب كانوا حاطين عرض، الصحون... الف قالي حقه الف
25:24
هالة : ومين اللي كان عم ببيع؟
25:26
سوري
25:27
هالة : سوري حكيتي معه اكتر ( لأ) بتعرفيه من قبل او ؟ ( لا) عادةً بس دغري لما يسمعوكي عن تحكي بيعرفوا انك سورية كمان( ايه) ما بيسألوكي شي؟
25:41
مبلى بالعادة بيسألوا اكتريتهن بيسألوا من وين من ايا بلد ايه
25:46
هالة : بس انت ما بتسألي
25:49
لا بس يصير في سؤال بصير في حكي بس انا لأنه فوراً اجي اسألهن لأ
25:53
هالة : مابتسألي ليه؟
25:54
انه ما ...يعني
25:59
هالة : لو كانت مرى كنتي سألتي؟
26:00
ايه، بسأل
26:15
هالة : وين صرتي هلق اشتريتي الصحون ومشيتي، او بعدك محلك
26:27
بعدني عم بمشي
26:29
هالة : وصوب وين هلق؟
26:30
هي حد التعاونية هيدي
26:32
هالة : عم تروحي صوب الدنا او عم ترجعي؟
26:34
ما طلعت عالدنا لفوق فوق، طلعت لحد التعاونية هيك وعدت رجعت، ايه هول معظمهن محلات سورية، ابو القزاز لا بعدني كنت عم وصله عند الصحون القزاز ما وصلت عند الصحون
26:51
هالة : آه ما وصلتي عند التعاونية يعني؟
26:55
قعدنا... هلق كيف بده ينعرض هادا لحتى نعرف
27:06
هالة : مش رح ينعرض، هلق بنشو فبعدين. انه هلق شو عم، انت عم تحكي؟
27:20
ايه مشط عم بشتري انا واياها مشط، السوريين اللي عم بيبيعوا هذاالمحل كله سوريين
27:26
هالة : وين؟
27:28
صبرا بتطلعي شوي صبرا هيك بقولوا لها غزة
27:33
هالة : مستشفى غزة
27:34
مستشفى غزة تحتها عاللفة هون في محل هادا واحد سوري ببيع بوكل و...
27:41
هالة : بتعرفيه من قبل يعني؟
27:43
اله للشاب، لا ما بعرفه بعرف المحل وانه الشباب بقلبه كلها سورية، ايه
27:49
هالة : الهن البسطات او لأ؟
27:51
مستأجر المحل والبسطات برا والشغيلة كلها سوريين عنده ايه، انه اله عمر هون يعني زمان، ايه مش من هلق يعني تقريباً المحل لإله وهو يعني تاجر كبير ايه، بس حاطت شغيلة عنده يوقفوا بالمحلات
28:16
هالة : هو هيدا ال... التاجر الكبير هو سوري؟
28:18
سوري امــ
28:23
هالة : وهلق؟ وينك؟
28:26
مشيت لفوق كمان شوي
28:29
هالة : لفوق يعني؟
28:29
عند الاواعي
28:31
هالة : صوب المخيم؟
28:31
لأ بعد صبرا
28:36
هالة : ايه يعني كنتي بعد ما وصلتي عالتعاونية؟
28:39
ايه بعد
29:07
هالة : شو في هلق؟
29:10
...
29:11
هالة : عم بيجيب صحون هلق وصلتوا عالتعاونية
29:18
قالتلي جيب واحد لنسمة... سألت ريم
29:29
هالة : ليه ليه، ليه قلتي لبنتك تسأل قديه الصحن مش انت سألتي؟
29:33
لانه كان هو بعيد شوي وانا واقفة حد الصحن... كمان سوري اللي كان عم يبيع، عم قلها لأ شو بدك فيه، (ليه) عم تقلي الصحن بألف قلتلها لإش الصحنين شو بدنا فيه، قال لأ بدي آخد ...
30:07
هالة : خلصتوا؟ طلعتوا
30:12
عم تعطيني المصاري... عم قلها حطيهن بالكيس
30:26
هالة : في ناس حوليكي؟
30:28
ايه مليان
30:29
هالة : مليان
30:30
في عالم، ناس رايحة جاي بس خفيف الرجل العالم طالعة من العيد... اجري
30:47
هالة : نعم
30:48
رنو كانت تقول اجري
30:50
هالة : عم توجعها اجرها، هلق وين صرتوا؟ هلق حكيتي مع حدن؟
30:56
لأ هو عم بيقول للعالم تشتري بألفين، انا ماشي
31:04
هالة : آه هلق وين صرتي
31:08
بعدني بصبرا آخر صبرا، هلق بنرجع... بعدنا عم نمشي
31:23
نكولا : زمان لما جيتي اول مرة كان في كتير سوريين يعني؟ لما جيبتي
31:30
يوم اجيت
31:32
نيكولا : كان في كتير سوريين شغالين، ساكنين هناك بصبرا ولا بعد
31:39
لا لمن اجيت هون ايه كتير كان في سوريين شغالين، بالعمار
31:45
نيكولا : يعني ما تفرق ما في فرق
31:49
لا ما في فرق لأ
31:52
نيكولا : نفس الشي بالنسبة للسوريين بس في ناس تانيين إجوا من جديد بالمنطقة، في اكتر سوريين
32:01
هلق ايه، بس قبل كان في سوريين وكان في عنصرية كتير
32:07
نيكولا : ضد السوريين
32:09
ايه كتير( مين) فلسطينية ولبنانية( التنين) التنين كتير حتى انا كنت اتضايق كتير من هالشغله ايه كتير، بس هلق منشان الحرب صار في تعاطف شوي
32:25
هالة : من وقت ما بلشت يعني سوريا صار في تعاطف اكتر
32:29
ايه بس قبل كتير، اول ما اجيت كتير مثلاً اسمع، جاين يشتغلوا، عم ياكلوا رزقتنا السوريين وهيك من هالحكي، إتضايق انا ايه انه يصير مناقشات واحياناً يصير شغله خناق بيني وبين المجتمع اللي قاعدة فيه، اتضايق منهن كتير... ناس ماشيين جنبي عم يحكوا
32:59
هالة : بس من وين هالناس؟
33:00
بعتقد، ما بعرف... هول كلهن فلسطينية ولبنانيه، السوريين اكتريتهن وقت اللي نزلت عالرحاب ايه
33:15
هالة : بس لما جيتي انت بالتسعينات ال... السوريين قلتي كانوا اكتر شي يشتغلوا بالورش، بس كان في منهن كانوا يشتغلوا بالسوق
33:24
سوق الخضرا؟
33:24
هالة : ايه
33:28
ايه في بس كانوا متل كيف بدي قلك، في اكتريتهن كانوا اللحامين في لحامين ايه، واكتريتهن من حماة
33:40
هالة : اكتريتهن من حماة
33:41
ايه يكون اله المحلات ما يقبلوا يشتغلوا شغيلة...
33:49
هالة : وين صرتي هلق؟
33:49
هلق صرت عند القهوة، اللي بصبرا
33:52
هالة : ايا قهوة القعدة الي بوج مشفى غزة؟
33:56
ايوا
34:05
هالة : في الجامع هلق صوت الجامع
34:08
ايه كان عم بسبّح القرآن الجامع
34:17
نيكولا : انت نازلة في اتجاه شاتيلا؟
34:20
لسا ما نزلت على شاتيلا، هلق
34:22
نيكولا : باتجاه لهلق
34:25
هالة : باتجاه، عم ترجعي
34:26
عم برجع
34:30
هالة : هلق صرتي حد الجامع
34:29
لأ بعد ما وصلت عالجامع بعد، هلق قربت عسوق اللحامين اللي من هاي الميلة ايه، وين القهوة...
34:54
هالة : لما انت رجعت، لما وصلت يبالتسعينات كان في كتير، كان في كتير محلات بصبرا؟
35:01
وين
35:02
هالة : بالتسعينات كان في كتير محلات بصبرا
35:06
بصبرا ايه
35:07
هالة : متل هلق
35:08
ايه بس بشاتيلا ما كان في زيادة
35:11
هالة : داخل المخيم ما كان في؟
35:13
لا ما في كان خراب لما جيت كانت الحيطان موقعة وهيك خراب
35:19
هالة : حرب
35:21
نيكولا : ما كانش في اجانب بالمخيم؟ يعني سريلنكية ...
35:25
لا لا ما كان ( شو كان)كان في سوريين وفلسطينية وكانت لمن اجيت الساعة 12 تقطع الكهربا ما في كهربا كانوا عايشين عالاشتراك، البيت اللي كان قبال بيت عمي كان موقّع كلله ومن هون موقع خراب ومن هون خراب...
35:57
هالة : شو عم تحكي ؟ مع مين عم تحكي
35:59
واحد سوري جاري
36:02
هالة : عم تعايديهه وينك انت هلق؟
36:03
قدام ملحمة واقف ملحمته
36:06
هالة : بتعرفيه؟
36:07
ايه بشوفهن هول التنين
36:11
هالة : هني صارلهن زمان بلبنان أو هلق عن جديد
36:15
ايه اله زمان بس صارت الحرب جاب عيلته، اشتغل باللحمة. هون باللحّامة هون كلهن سوريين اللحامين من حماة
36:28
هالة : من اللحامين يعني محل ما بيشتغل جوزك
36:30
لأ محل جوزي شي وقريب عليه بنفس الساحة بس انه هذا كله اكتريته سوريين وعاملين شوي ولحمة وملحمة شي حوالى خمس محلات على صف بعض...
36:44
هالة : وهلق وين صرتي؟
36:47
نازلة هلق لعند جوزي، بس ما وصلت لعنده قربنا عالجامع
36:52
هالة : آه بالرجعة كمان رجعتي عند جوزك
36:56
امـــ
37:43
هالة : شو مين، في ناس عم ...
37:45
هادول تاعول العربيات عم يحكوا لبعض
37:48
هالة : آه هني من وين؟
37:49
فلسطينية هادول
37:51
الزوج : وين صرت هلق هيك انت؟
37:59
هون باللفّة لعندك راجعة
38:03
الزوج : هاي مش فلسطينية خليط ما بين سوريين وفلسطينية مش بس فلسطينية عالحل لأن اذا بتلاحظي في كمان لهجة سورية بتصير
38:14
هالة : شو هالصوت هادا؟
38:19
شي عربية عم بحركوها...
38:22
هالة : وين صرتي هلق تقريباً؟ عم توصلي لعند جوزك؟
38:26
ايه بعدني عم بمشي بصبرا
38:32
نيكولا : ما كانش في ناس
38:33
هالة : وصلتي؟
38:33
وصلت
38:35
نيكولا : ما كانش في ناس بنغلاديشين يعني
38:38
ليوم ما في
38:39
هالة : ما شفتي حدا
38:41
الزوج : بنغلادش وسريلنكا هول اكتر شي يبيتواجدوا نهار الاحد، السبت ليلة احد والاحد الصبح
38:49
جوزي عم يقللي شيلي الغراض معك قلتله هاتهن اشيلهن
38:54
نيكولا : اجينا يوم الحدّ
38:58
الزوج : سجل شي حديث محي هالكلام في كلاك ...
39:04
هالة : هلق طلعتي من عنده؟
39:05
بعد عم طلعلي الغراض جايبهن، عم يقللي شيليها لرنو
39:19
الزوج : قلتلها ما قادر اشيل معي غراض انا تانيين ما قادر اخليهم كلهم بالمحل
39:47
بعدنا بالمحل
39:51
هالة : في صوت كياس؟
39:51
ايه
40:18
هالة : وهلق وين صرتي
40:20
هلق طالعة ماشية على الطريق
40:25
هالة : يعني اتجاه المخيم، اتجاه الرحاب
40:29
اتجاه شاتيلا، بعدنا بصبرا...
40:41
الزوج : مثلاً المغتربين من سوريين لسريلنكية وكذا
40:45
هذا عم يدرز مشايات بصبرا
40:50
هالة : هو من وين هيدا؟
40:51
سوري
40:52
هالة : سوري؟ مين هيدا ولد
40:56
ولاد...
41:05
هالة : وين صرتي هلق؟
41:07
بعدني بصبرا
41:07
هالة : ايه بس وين وين بصبرا؟
41:12
صبرا هذا عند الدرّاز في محل اسمه عكّيلة وش كنت انا هون
41:24
هالة : هلق صوب وين عم تروحي
41:21
الزوج : لبنان سارت فيها ا العالم كلياتها سريلنكا بنغلادش يعني مصراوي فليبينية، سوريين، مغاربة عراقيين، يعني تقريباً اسا التقيت فيهن... يمكن نحنا ما جاي لعنا والا حرام تحي لهون عالمنطقة بس فيها تقريباً يعني لامة العالم كلياتها

41:43
نيكولا : بصبرا
41:46
بعدني بصبرا
41:58
هالة : شو هيدا هلق؟
42:00
عم يحكوا الشباب مع بعضهم
42:04
هالة : حسيتي عرفتي من وين اللهجة او شي
42:07
ايه هول سوريين

هالة : سوريين من لهجتهن السوريين فيكي تعرفي من وين هني
42:13
من ايا بلد؟ لأ لا ما بعرف يعني انا بالضبط
42:20
الزوج : انه هي سورية ما بتعرف اذا حكى الانسان مثلاً بس اذا بيحكي معي بعرفه حلبي، من اللاذقية من القامشلي
42:28
ايه لانه هو من محل وبمر عليه كتير وبيتعرفوا عبعض...
42:36
هالة : شو هلق وين صرتي؟
42:37
بعدني بصبرا، صرت يمكن عمفرق المخيم
42:44
الزوج : هلق مرتي ترى بمشيتها بطيئة منشان هيك
42:51
بطيئة شيلتني هيك غراض
42:54
الزوج : مرتي بطيئة حامل ومعها غراض منشان هيك
42:58
ماشية شوي شوي، شيلني غراض وشايلة ببطني...واحد هذا وين؟ بعدني نازلة... ايه
43:27
هالة : شو عم يحكوا هول؟ عربي كانوا عم يحكوا؟
43:30
عربي ايه
43:33
هالة : منين؟ هني
43:37
مشكل
43:40
الزوج : في ادالبة ما بعرف اذا بيحكوا لغهن شوية
43:43
هالة : شو عم تسمعي هلق
43:44
الزوج : مكسرة يعني، كنت امرار وحدة فكرها اجنبية
43:46
موستيكل
43:48
الزوج : مثلاً سريانية او مثلاً ارمنية، اللغة شوي يعني
43:53
عم قلها لبنتي اذا اشترينا كاسات بتشيليهن؟
43:54
هالة : وين صرتوا؟
43:55
هلق صرت عالمفرق اللي بفوت عالمخيم، المفرق اللي بودي للرحاب
44:04
هالة : شو بتسميه لهيدا الشارع اللي بودي عالرحاب؟
44:08
هلق هون اول المخيم لسا ما وصّلنا عالمخيم لتحت
44:12
هالة : بس شو بتسميه انت هيدا الشارع
44:14
بقولوا له مابعرف انتو اشو بتقولوا له
44:16
الزوج : هلق هون بسموه الحميدية لانه تقريباً فيه مجمّع للسوريين وفي سوريين فكيف اسواق الحميدية بسوريا ( ايه تحت) بسموه سوق الحميدية
44:27
لسا ما وصّلنا لعنده
44:29
هالة : شو هيدا واحد شو عم
44:31
عم يحكي والله العظيم مع رفيقه بس شو بيحكي ما بعرف... عم قلها سبقيني ما قبلت.
44:53
هالة : وهلق وين صرتوا
44:56
عم بشتري الكاسات
44:58
هالة : من وين ؟
44:58
بعدني عالمفرق واقفة انا واياها
45:00
هالة : عالمفرق يعني قدام المدخل تبع المخيم
45:05
من المفرق اول المخيم
45:08
الزوج : مفرق الرحاب من تحت
45:09
لأ هون
45:11
الزوج : هون ايه هون مفرق الحارب، هيدا الحي كله هون لتحت ت الرحاب يعني
45:25
هالة : ايه وهلق
45:26
عم اشتري الكاساست
45:28
هالة : من وين هو البياع
45:29
سوري، ايه
45:36
هالة : بس بعد ما وصلتي هو هيدا المحل ضمن السوق اللي كان عم بيقول اللي اسمها سوق الحميدية، صمن السوق ( ايه) وانت كيف بتسميه هيدا السوق
45:50
ايه الحميدية هني بقولوا له الحميدية
45:51
هالة : وانت؟ لما تروحي لهونيك شو بتقولي
45:54
ايه كلهن سوريية بالفعل
45:56
هالة : ايه بس شو بتحكي انه لوين رايحة، بقولي رايحة عالرحاب او رايحة (عالرحاب) عالرحاب بتقولي ايه في ضجة كتير هلق ايه لانه مفرق( ايه) سيارات
46:10
انا بعدني لانه كان عم ببيع الست هنيك... عم قلها عطيني مصاري...
46:42
هالة : شو عم نسمع هلق؟
46:45
ناس رايحين جايين، موستيكلات... امـــ
46:54
هالة : انت لما بتمشي انه بتتسمعي عأحاديث حديث الناس او ما
46:57
ما بهتم
46:59
نكولا : مش وحدك...
47:06
لا لا ما بفكر بهذا الموضوع
47:11
نيكولا : بس تسمع من غير تسمع
47:17
الزوج : من دون انتباه
47:17
ما بدقق انه حكوا شو هاد
47:21
هالة : حتى هلق لما عم نتسمع ما عم توقفي على كل شغله
47:24
حتى بالبيت او اذا قاعدة مع مجتمع عم تحكي مع هاي ما بهتم ما بحب هاي العادة
47:32
هالة : وين صرتي هلق؟
47:35
هلق نازلة
47:37
هالة : صوب الرحاب
47:40
ايه
47:43
هالة : هو من وين هلق اللي حكوا
47:44
سوريين هادول
47:48
هالة : سوريين؟ هيدا سوري اللي عم يحكي؟
48:00
لأ، فلسطينية ضمن المخيم هادا
48:07
الزوج : وين صرتي انت؟
48:08
وين ابو الفروج ايه هيك نازلة لتحت ( المصري) ايه
48:15
الزوج : يعني انت لهلق بعدك هون
48:17
لا مشيت
48:19
الزوج : قلت طلعتي عالرحاب
48:22
يه عم بمشي هدا بيحكي
48:23
الزوج : مش رحاب هذا الي عم تحكي
48:26
عم قلك المخيم هاد مش الرحاب اللي هي واصله فيها
48:29
لآه
48:30
هالة : يعني انت هلق محل ما اتشريتي
48:33
الكاسات مش الرحاب بس الطريق كله هذا الشارع كله سوريين، بس هذا كله سوريين
48:39
الزوج : كله هذا ضمن المخيم يُعد ضمن المخيم
48:42
مخيم قلتلك بتقللي لأ
48:45
الزوج : وصلتيني لعند هون انا قلت ولا مرتي ما اسرعها صارت
48:50
بعدني لا فتت بهذا المفرق اللي بودي عالرحاب شاتيلا، هلق ماشية فيها،ايه
49:01
هالة : كيف يعني عشارع العين يعني؟
49:03
ايه ايه...
49:09
هالة : بس صار هدوء اكتر ما في ضجة متل قبل
49:11
ما في ضجة لأ... قلتلك اليوم كان كتير هدوء
49:22
نيكولا : بعد العيد في...
49:24
ايه بتصير ...قليل وطلعة العالم قليلة وانه العيد كمان خلص
49:32
الزوج : هلق اجمالاً بعد العيد بتلات ايام اربع ايام عم يكون في لسا اللي طلعوا برية لبنان مثلاً راحوا على سوريا او اللي راحوا عمنطقة تانية مثلاً غير بلادهن(اللي بدهن يعطلوا) بتخف شوي بتخف الضغط عرفت كيف
49:52
هالة : شو قلتي؟
49:54
عم قلها لبنتي تعي نتأرج هون
49:57
هالة : على شو ؟
49:59
كان في تياب رجالي عم بتأرج عليهم
50:00
هالة : وين
50:01
هو بهادا الطريق، بعدني قبل اهلك
50:05
نيكولا : الحميدية
50:07
لا قبل
50:09
الزوج : لا لسا عالطريق العام، الطريق العام هذا اللي
50:14
نيكولا : صبرا
50:15
الزوج : لا لا مش صبرا هذا اسمه مخيم، الطريق العام بالنسبة للمخيم، هذا هو الطريق العام الموجود الوحيد فيه
50:20
هالة : بس عفوا الطريق العام يعني محل ما في... من ايا جهة الطريق العام، يعني الل
50:29
نيكولا : واللي ببيعوا سديهات والافلام
50:31
الزوج : هلق هول ببيعوا سيديات وافلام بس هي بعدها ضمن، ضمن المخيم
50:35
هادا اسمه مخيم وانت نازل فيه لتحت عالرحاب بيسحب لتحت عالرحاب
50:39
هالة : محل ما في اريحا مدرسة اريحا
50:41
لا
50:42
الزوج : هلق هي بعدها لحتى الان شو
50:43
انا نازلة عالرحاب، شارع اللي بوديني عالرحاب
50:48
هالة : بس قصدي بس انه من اريحا، شارع اريحا، بتكمّل وبتوصل محل ما هي، هيدا قصدك داخل المخيم يعني بهول الشوارع الي حوالي المخيم
51:00
امـــ
51:02
الزوج : يا عمي نحنا اجمالاً بتقول الطريق العام يعني بالنسبة للمخيم اللي هو هذا الطريق اللي ما بين الحي الغربي، وبالمخيم هذا طريق عام يعني بقولوا له
51:16
هالة : طيب هذا الطريق اللي هي عليه هلق هو شو بين ايا مخيم وايا حي؟
51:21
الزوج : الحي الغربي
51:21
هالة : آه الحي الغربي تبع المدينة الرياضية
51:24
هالة : يعني هو هيدا سوق الحميدية
51:26
الزوج : لأ بعد ما دخلتي سوق الحميدية
51:28
هالة : شو صار هلق
51:30
هادا واحد صديق لإلنا من معرّاة بالضيع عم يقلي اهلي بالضيع مشردين، عم قله كيفهن اهلك...سامعة « مالَك »
52:11
هالة : هو من وين؟
52:11
معرّاة
52:15
هالة : ووين، هو ببيع غراض يعني هو بالسوق بيشتغل؟
52:19
حلاق ايه وببيع( حلاق) حلاق ايه وببيع كان بالسيارة تاجر
52:23
هالة : صارله زمان، بلبنان صارله زمان؟
52:25
ايه صارله شي 15 سنة هو، بس
52:32
هالة : يجيب مين وتعوا؟
52:33
عم قله جيب امك وتعا سهار عنا
52:36
هالة : امه عن جديد اجت ؟
52:36
اجت اولت مبارح هي واخواتها التنتين وخواتها التنتين بالضيع مشردين، وطالعين من معراة عم يقصفوها
52:44
هالة : ووين قاعدين هني هلق هيدا الشي وين قاعدين هلق هيدا الشاب وين قاعد؟
52:51
بحي فرحات
52:53
هالة : بحي فرحات
52:54
قاعد ايه واله اخت مجوزة، هون آخدة واحد بعلبكي، بعلبكي وخيه بيشتغل هون كمان بمطعم بالبلد
53:08
هالة : وهلق بعدك مكملة او عم ترجعي
53:09
ماشية هلق نازلة عالرحاب، لأ بعدني ما وصلت عند الرحاب بعد
53:17
نيكولا : فين سوق الحميدية، سوق الحميدية وين صار؟
53:22
الزوج : صار بالشارع العام بس وصلت عحدود المخيم من بعد المخيم هيك، هلق هو بقولوا له رحاب ولكن تجمع السوريين اللي صار فيه، فضل عليه اسم الحميدية وضل عليه الاسم يعني، هذا من بعد ما، من بعد حدود المخيم هذا صار...ايه اسمه هذا سوق الحميدية
53:47
هالة : بعد مقبرة ال... المجزرة؟
53:50
الزوج : لأ، مقبرة الشهدا، مقبرة المجزرة تقريباً بآخره للشوف، بآخره للسوق لهناك .
54:00
هالة : قصدك اذا منجي من الرحاب صوب المقبرة
54:01
الزوج : ايه اذا بتجي من صوب المقبرة، هذا من اول من اول الرحاب لقبل ما توصلي عالمخيم بعد المقبرة يعني هذا اسمه كله حميدية
54:11
هالة : اوكي، فهمت هلق وين لقيت النقطة
54:17
ايه...
54:20
هالة : شو وين صرتي هلق، بعد ما وصلتي عالمقبرة
54:23
وينك ووين المقبرة لسا
54:28
الزوج : مثلاً المخيم
54:29
ايه هلق حد بيت اهلك
54:31
هالة : حد بيت اهله؟ حد بيت اهل جوزك عفواً
54:35
قدام شوي
54:37
هالة : اللي هني يعتبروا قاعدين بالمخيم ؟
54:41
الزوج : لأ الحي الغربي
54:41
هالة : هني بالحي الغربي
54:42
الزوج : الحي الغربي
54:44
هني قبال المخيم
54:45
الزوج : قبال الشارع العام
54:48
هالة : ومن زمان قاعدين هونيك؟
54:51
الزوج : 17سنة
54:52
لأ اكتر نحنا 17 سنة متجوزين انا جيت لقيتكن قاعدين هون... قلتوا لي انه انتوا قعدتوا قبل ما آجي انا بشي تلات سنين اربع سنين، صارلكن شي عشرين سنة، نحنا هلق صارلنا 17 سنة وهاي 18 متجوزين.
55:15
هالة : شو عم نسمع هلق؟
55:16
ناس عم يحكوا...
55:20
هالة : وشو كمان في موسيقى؟
55:22
ممم اغاني محل....
55:29
هالة : آه كتير عليت الموسيقى
55:33
بنتي الصغيرة نورية مشترية عمتقول انا بحب الحدّة تذكرتها، هون هلق بلشت بالرحاب هون
55:45
هالة : كيف حسيتي، انه كيف عرفتي انه بلشتي بالرحاب( ليكي) من ورا الموسيقى او
55:53
ولاد اخته عم بحكي معهن، ولاد اخته جايين من الناعمة
56:00
هالة : التقيتي فيهن بالصدفة يعني هني بيشتغلوا هونيك او...؟
56:05
بالصدفة لأ راجعين عالبي
56:06
الزوج : خالصين شغل، بيشتغلوا بالدهان، مخلصين شغل وجايين من الرحاب، طريق الرحاب، ف... تقابلوا هو وياهن
56:16
ابن اختي... عم بحكي معه في موضوع عم قله عرفوا فيه قالي... هلق راح... هون بلشت بالرحاب
56:33
هالة : صار في موسيقى اكتر
56:35
ايه دائماً بالرحاب عطول، سوق الحميدية عطول
56:41
الزوج : لإنه كله بياعين سيديات واغاني، وما اغاني كل واحد بده يعرض الشي اللي عنده يعني شو اغاني جديدة وهيك
56:57
عجقة سيارات كانت
57:00
هالة : وهلق كمان في موسيقى غير عن هيديك الموسيقى او نفسها
57:02
عطول من اول الرحاب لآخره دائماً
57:06
هالة : بتسمعي موسيقى بس كل مرة انه مختلفة عن...
57:10
نيكولا : كل واحد...
57:13
الزوج : مثلاً في كراد بحطوا اغاني كردية، مثلاً اهل المنطقة اللي هني مثلاً عايشين بمنطقة لبنانية
57:22
هالة : انتي لوين وصّلتي بالرحاب
57:24
بعدني بالرحاب
57:24
بحطوا اغاني اللي هني بدهن اياها
57:25
هالة : انت وين وصلتي بالرحاب
57:29
قبل المقبرة ما كفيت انا
57:29
هالة : ايه وبعدين رجعتي
57:30
بعدني ما رجعت لسا... هاد واحد سوري كان عم يحكي
57:36
هالة : بياع ؟
57:38
لأ ماشي
57:39
هالة : ماشي، وهونيك من هيدي الميلة بتلتقي اكتر شي، بتلتقي بهني نفس الناس اللي بروحوا على صبرا، اللي بروحوا عالحميدية ( لأ) لأ؟
57:52
لا، سوق الحميدية صعب التقي حدا بعرفه قليل
57:54
هالة : ليه ؟ شو هيدا؟
57:58
هيدا واحد عاجز كان ماشي، إيه هيك على ضهره سوري وبيمشي على ايديه، ايه هادا من وين ؟
58:11
الزوج : هادول شو اسمه شركسه
58:15
شركسه ايه كان في ولد عم يعذبوه يمكن وبصرخ عليه
58:20
الزوج : شركس اللي هني بيعتبروا
58:00
نيكولا : جدود ..ضيعهن، ايه هيدول جداد
58:26
ايه كان في ولد عم يعذبه يمكن وعم يصرخ عليه
58:21
هلق هني يعنبروا
58:23
جداد
58:25
ايه هيدول جداد
58:27
هالة : قصدي بتشوفي اكتر نسوان اما رجال؟ على الرحاب
58:29
تحت ( ايه) لا رجال
58:32
هالة : رجال والرجال تبع المخيم او
58:33
58:35
لأ سوريين اكتريتهن
58:37
هالة : بس قاعدين بالمخيم؟
58:38
ايه منهم قاعدين بس هونيك إجمالاً منهن محلات...واقفين فيا، في سوق خضرا عم بسأل واحد عالعربية عن كريم للإيدين، قالي ما عندي سوري
58:54
هالة : سوري
58:55
ايه عن العربية، هلق بسأل واحد تاني كمان...
59:10
هالة : بتحسي في أمان هونيك بهيدي المنطقة؟
59:14
اجمالاً انا ما بروح مع حدا يوم تعرضتلي بس جوزي بقلي في كتير بخوفوا انه الغريب خاصة رجال كتير ب... يتحركشوا فيو
59:28
الزوج : اذا شخص جديد ومبين انه جديد ومش مألوف وجه فمكن يعني
59:36
هادا سوري
59:37
هالة : واحد تاني هيدا( ايه)
59:37
الزوج : يشبحوا عليه او ياخدوا منه مصاري عرفت كيف
59:42
هالة : ...انت من عشرين سنة لليوم دايماً هيك هيك هاي الميلة
59:49
هلق اخف اخف هلق
59:50
الزوج : هلق كتير خفيفة هلق، كان بالاول خمسة هون، خمسة هون، ستة هون ستة هون... كانت طاولات هاي تايعت الورق، عرفت كيف ايه بس انه كانت الناس اللي بده يفوت اذا كان فايت غلطان، تكون غلطة عمره يعني صارت يا بيتعور، يا بده يشلك مصاري...
01:00:12
هالة : هلق مع مين عم تحيك
01:00:15
مع بنتي عم قلها انتبهي السيارة
01:00:16
هالة : شو عم تقلليلها؟
01:00:17
عم قلها انتبهي السيارة
01:00:19
هالة : وين صرتوا
01:00:19
بعدنا بالرحاب، لأه لق سألته على كريم، قلتله مش هادا لأ
01:00:25
هالة : محل تالت هو
01:00:26
ايه عربية
01:00:27
هالة : والبياع عربية والبياع
01:00:30
سوري
01:00:31
هالة : سوري ايه؟؟؟
01:00:32
كلهن سوريين ....
01:00:41
هالة : آه في سيارات كتير كان
01:00:43
عجقة صارت ايه ...
01:00:48
هالة : بس بصبرا كنا عم نسمع اكتر موتوسيكلات، هون سيارات
01:00:52
ايه سيارات هون
01:00:54
الزوج : على فكرة الشوفير اذا بتبين انه هو شوفير مثلاً مظبوط وماهر بالسواقة؟ بقلّط من الرحاب، بس الشوفير اللي ما بيعرف يسوق ما بقلط من الرحاب
01:01:09
هلق بس نكون برا مثلاً عالروشة عالبحر انه بنجي لهون بس بيشرطوا شرط ما بفوتوا عالرحاب في كتير عالم( ليه) في منه خوف منه انه ما بحبوا العجقة
01:01:24
هالة : هلق كنتي عم تحكي مع بنتك ؟
01:01:26
لأ مع الشاب بقله عندك كريم الايدين
01:01:28
هالة : بعد مرة
01:01:28
تلاتة سألت تلاتة ما كانت، هلق رجعت عالبيت، هلق ميلت لأرجع عالبيت
01:01:34
هالة : هلق ميلتي لوين
01:01:35
بدي ارجع عالبيت هاد آخر واحد كنت عم بسأله
01:01:38
هالة : آه خلص هلق رجعتي؟
01:01:38
ايه قلت ما بدي كفي لتحت لان لسا في...
01:01:44
بنكمل؟
01:01:47
هالة : هلق شو عم تسمعي
01:01:48
موتيكلات وسيارات
01:01:49
هالة : شو عم يحكوا؟
01:01:50
شباب عم يحكوا مع بعضيهم... هول هني ما في شي
01:02:22
هالة : عم ترجعوا نفس الطريق
01:02:23
ايه عم نرجع نفس الطريق، نفس الاغاني
01:02:26
هالة : نفس الاغاني
01:02:31
الزوج : ليش انا قلتلك انه... يعني حتى حتى في اشخاص يعني انه هني بالنسبة لتحت، يعني بخافوا يفوتوا لهناك، في مناطق لسا بعد فيها اسواق شعبية لسا اكتر من كلياتها، في اسواق مسكرة لتحت يعني فيها تجمعات، تجمعات من، يعني بدك تقولي مجمعين فئات العالم كلياتها، جنسيان موجودة السوق وهذا .
01:02:55
هالة : وين؟
01:02:57
وين هيك بتفوتي ساقفينه زينغو
01:03:00
الزوج : قبل ما توصل شوي صغيرة هي في سوق هذا مسكر، هذا فيه للجميع يعني فيكي تقول يانه
01:03:06
انا فتت انا وابني نجيب اسبادرين جوزي منبه علي ما فوت لهوني، قد ما يحكوا فتت، بالفعل بخوّف
01:03:13
هالة : وين هو عالرحاب؟
01:03:14
بقلب الرحاب من جوا انا ما معي خبر، ما معي خبر
01:03:19
الزوج : بوج مقبرة الشهداء ( [وجها) مباشرة
01:03:22
بتفوتي هيك بتفكريه محل هذا، بتفوتي بتلاقي سوق جوا
01:03:26
هالة : شوه هيدا من مين صوت
01:03:28
ولاد، يومتها فتنا وعم بسألها لل...سألتها سؤال انه هيدا شو سعره؟ وليه ما اشتريته ورحت قمت وكلني اكل
01:03:43
هالة : مين
01:03:45
وحدة هيك لابسة نوري وقاعدة كانت بقلب السوق
01:03:48
هالة : هي كانت عم تبيع؟
01:03:48
ايه حاطين متل بالىة عم ببيعوا اسبادرينات وهيك وكلها مستعملة ...ايه بسرعة اخدت ابني كان صغير ورحت وما قعدت من يومتها فتتت ايه هيك يعني كتير السوق
01:04:03
هالة : خفتي؟
01:04:04
ايه بخوف السوق
01:04:08
هالة : بس هلق لساته هيك
01:04:10
الزوج : السوق هدا( ما حدا بفوته قليل) يعني هو من الاساس هو ما كان في سوق، كانت ارض فلا، وكانوا يبسطوا بعدين عملوها سوق وصارت نظامية يعني اللي بده ياخد بسطة يدفع اجارها، يعتبروها متل المشاع يعني، ما كان يحط فيها
01:04:26
انا مرة وحدة فتله
01:04:27
هالة : بس هلق بعد تخوف يعني بعده بخوف
01:04:29
الزوج : ايه اللي ما بيعرف يفوت عليها بتخوف
01:04:33
هالة : طيب يلا المرة الجاي بتاخدنا
01:04:35
الزوج : بس بدك تشوفي تتأقلمي مش هيك عالسريع تخافي او هاي..
01:04:45
قولي هو معروفة هونيك، بفوت عادي ما حدا بيقدر يحكي معه
01:04:48
هالة : وين صرتي هلق؟
01:04:51
راجعة بعدني
01:04:51
هالة : ايه بس وين تقريباً طلعتي من الرحاب او بعدك؟
01:04:56
لأ بظن هلق فتت عالمخيم...
01:05:02
هالة : فيكي تعرفي من الصوت انه فتي عالمخيم
01:05:06
ايه صوت الاولاد
01:05:07
هالة : كيف بتعرفي انك فتي عالمخيم
01:05:09
الاولاد من الاولاد ايه، الاولاد بكون عال...
01:05:15
هالة : اللهجة لا هونيك ما في ولاد لان اجمالاً كلها محلات، ايه هون متل حارة للولاد، شارع وحارة
01:05:25
هالة : هلق فتي عالمخيم، او بعدك عالشارع العام؟ بس انت قلتي فتي داخل داخل المخيم او بعدك على الشارع عالطرف
01:05:39
الزوج : عالشارع ما جيتي، ايه هلق هو هذا هيك وهذا هيك كله حرش ال... الشارع اللي بيناتهن هلق هو بدك تقولي مخيم يعني، يعني سيطرة المخيم موجودة فيه، بس مش داخل المخيم جوا اطرافه الخارجية
01:05:59
هالة : بس فاضي هيدا الشارع ما فيو كتير حركة
01:06:02
ايه طبعاً ما فيو كتير حركة... لأنه مش مش انه يعني محلات كتيرة عرفتي كيف...
01:06:30
هالة : شو سامعة هلق؟
01:06:34
هلق موستيكلات، ناس بتحكي مع بعضيها... ايه هول هادول حد المحلات هون
01:06:46
هالة : ايا محلات؟
01:06:49
هذا المطعم تديستو بتقولوا له، شو بتقولو له؟
01:06:56
هالة : شو بتقولوا له ؟
01:06:58
بنقله مطعم القدس ما هيك القدس مطعم القدس
01:07:02
هالة : هو بس مش جوات المخيم ؟
01:07:04
المخيم طريق المخيم ...
01:07:15
هالة : وين صرتي تقريباً؟
01:07:18
بعدني عالشارع ما بتروحي انت عالكابتن جمال من هون؟
01:07:45
هالة : وينك هلق؟
01:07:48
هلق بعتقد لفيت اللفة
01:07:50
هالة : لانه كتير رواق بطّل في صوت
01:07:53
عم احكي مع اختي تحت عم تقطف ملوخية
01:07:56
هالة : سلطانة
01:07:57
ايه تحت...
01:08:03
هالة : لمين قلتي تعالي؟
01:08:12
هلق طالعة، طالعة لفوق... عالدرج
01:08:29
هالة : في كان في حدن التقيتي بحدن؟
01:08:34
عالدرج؟ ايه شفت ناس نازلة، ضيوف كانوا عند رحاب
01:08:43
هالة : عند جارتك يعني( إيه) هي فلسطينية رحاب ( ايه)... شو هالاصوات
01:08:53
عالبرندة كانوا ولاد الجيران عم يحكوا...
01:09:17
هالة : مين عم يحكي
01:09:01
اسماعيل خيها
01:09:02
هالة : مين هني جيرانكن
01:09:05
فلسطينية
01:09:06
هالة : دغري البيت اللي حدكن؟
01:09:08
القبل ....

Sabra (Beyrouth, Liban), le 11 décembre 2014
photo de Hoda Kassatly